अग्रज पत्रकार डीपी खतिवडालाई शनिबार मोरङको उर्लाबारीमा पुरस्कृत गरिएको छ।
उर्लाबारी उद्योग वाणिज्य संघको ३२ औं साधारणसभामा पत्रकार खतिवडालाई पुरस्कृत गरिएको हो। संघका पुर्व अध्यक्ष गोबद्र्धन शाक्यले खतिवडालाई नगद र सम्मानपत्र प्रदान गरेका थिए।
साधारणसभामा व्यवसायी दिनेश शर्मा र कृषक पद्मा काफ्लेलाई पनि सम्मान गरिएको छ। शर्मा उर्लाबारी–७ स्थित नरेश काष्ठ उद्योग र काफ्ले उर्लाबारी–४ स्थित पद्माश्री मौरीपालन कृषि फर्मकी सञ्चालिका हुन्।
संघका अध्यक्ष प्रितम खड्गीको अध्यक्षता र नेपाल उद्योग वाणिज्य महासंघका जिल्ला नगर उपाध्यक्ष दिनेश श्रेष्ठको प्रमुख आतिथ्यतामा भएको सो सभा भएको थियो। सभामा बिभिन्न प्रदेश, जिल्ला र नगरका व्यवसायी नेताहरुको सहभागिता रहेको थियो।
