भारतको गुजरातमा एउटा ट्याक्टरमा ठाेक्किएपछि अनियन्त्रित भएकाे ट्रक मजदुर सुतिरहेकाे फुटपाथमा चढ्दा १३ जनाकाे मृत्यु भएकाे छ।
सुरतस्थित कोसाम्बा भन्ने स्थानमा साेमबार राति किम-मान्डवी रोडअन्तर्गत पालोडगाम नजिक ट्रकले किचेर १३ मजदुरकाे मृत्यु भएको हाे।
प्रहरीका अनुसार ती मजदुर राजस्थानको बान्सावाडा जिल्लास्थित कुशलगढका थिए।
ट्रकले किचेर १२ जनाको घटनास्थलमै र एक जनाको उपचारका क्रममा मृत्यु भएको हो। अन्य ७ जना गम्भीर घाइतेको उपचार जारी छ।
प्रहरीले ट्रक र चालकलाई नियन्त्रणमा लिएको छ।
