सप्तरीमा गाडी दुर्घटना हुँदा एकजनाको मृत्यु भएको छ ।
आइतबार बिहान खड्क नगरपालिका-८ गिरधारी राइस मिल नजिक स१त २५१२ नम्बरको रोकिराखेको ट्याक्टरमा मे१ज २४५२ नम्बरको सुमो गाडी ठोकिँदा एकजनाको मृत्यु भएको हो ।
मृत्यु हुनेमा सुमोमा सवार अन्धाजी २५ वर्षीय पुरुष रहेका छन् । उनकाे परिचय नखुलेकाे प्रहरीले जनाएको छ ।
गम्भीर घाइते भएका उनको उपचारका क्रममा सगरमाथा अञ्चल अस्पताल राजबिराजमा मृत्यु भएको हो ।
दुर्घटनामा सुमोका चालक पाँचथर फिदिम नगरपालिका-३ का ३४ वर्षीय टेकबहादुर दर्जी घाइते छन् । उनको छिन्नमस्ता अस्पताल राजबिराजमा उपचार भैरहेको छ ।
.jpg)
