नेपाली कांग्रेसले पर्साको धोबिनी गाउँपालिकाका २५१ जनालाई पार्टी प्रवेश गराएकाे छ।
धोबिनी गाउँपालिकाका सभापति रामशीष राउत कुर्मी र प्रमुख अतिथि रमेश रिजालले उनीहरुलाई अविर लगाएर पार्टी प्रवेश गराएका हुन्।
कांग्रेसको केन्द्रीय सदस्य समेत रहेका रिजाल जनता समाजवादी पार्टी परित्याग गरेका अनिल चौहान र तत्कालीन नेकपा माओवादीका जिल्ला सदस्य नौलेश रामलाई समेत पार्टी प्रवेश गराएका थिए l
जसपाबाट गाउँपालिका अध्यक्षको प्रत्यासी रहेका प्रधुमन चौहानको भाई अनिलले नै उक्त पार्टी परित्याग गरेको कांग्रेसका जिल्ला सभापति नवीन सिंहले बताए l
पार्टी प्रवेश कार्यक्रममा प्रदेश सभासदस्य संकर चौधरी , महासमितिका सदस्य बशिष्ठ नारायण कुर्मी क्षेत्रीय सभापति रमेश पाण्डे लगायत पार्टी कार्यकता र स्थानीयहरुको उपस्तिथि रहेको थियो l
