प्रधानमन्त्री केपी शर्मा ओली कार्यकारी अध्यक्ष पुष्पकमल दाहाल ‘प्रचण्ड’ सँग भेट गर्न अहिले १० बजे उनको निवास खुमलटार जाने भएका छन् ।
नेकपाको जारी विवादलाई मत्थर पार्ने प्रयास स्वरुप ओली प्रचण्डसँग संवादका लागि उनको निवास जान लागेका हुन् ।
पेरिशडाँडास्थित साविक माओवादी केन्द्रीय कार्यालयमा भएको प्रचण्ड-नेपाल पक्षको प्रदेश १ को भेलापछि प्रचण्ड शुक्रवार साँझ ५ बजे प्रधानमन्त्री ओलीसँग छलफलका लागि बालुवाटार पुगेका थिए ।
शनिवार बस्ने नेकपा स्थायी कमिटीको बैठकको तयारी स्वरुप दुवै नेताबीच भेट हुन लागेको हो ।
दुई अध्यक्षबीच सहमतिको मध्यस्थता गरिरहेका नेकपा संसदीय दलका उपनेता सुवास नेम्वाङले प्रधानमन्त्री ओली खुमलटार जाने कुराको पुष्टि गरे ।
‘उहाँले अस्तिदेखि प्रधानमन्त्रीलाई खुमलटारमा निम्ता गरिराख्नु भएको थियो, त्यसै अनुसार हिजोको संवादमा आज खुमलटार आउने सहमति भएको हो’ नेम्वाङले बिएल नेपाली सेवासँग भने ।
उनले विवाद समाधानमा यो भेट महत्वपुर्ण रहेकोे पनि बताए ।
