वीरगञ्जको नारायणी अस्पतालमा गरिएको पछिल्लो पीसीआर परीक्षणमा थप १४ जनामा कोरोना संक्रमण देखिएकाे छ।
पर्साका विभिन्न स्थनबाट संकलन गरिएको ५५ जनाको थ्रोट स्वाबको नमूनाको परीक्षण गर्दा ५ जना महिलासहित १४ जनामा कोरोना संक्रमण पुष्टि भएको हो।
थपिएका संक्रमितमध्ये बाराका १ जना र पर्साका १३ जना रहेका छन्।
उनीहरु ६ वर्षदेखि ७१ वर्ष उमेर समूहका रहेका छन्। वीरगञ्ज आर्मी ब्यारेकका १ जनामा पनि संक्रमण देखिएको छ।
त्यसैगरी वीरगञ्ज महानगरपालिका ५ मा ३ जना, वडा न. ६ मा १ जना, वडा न. १३ मा २ जना, वडा न.३ मा १ जना, वडा न. १५ मा २ जना रहेका छन्। यस्तै जिराभवानी गाउँपालिका वडा न. ३ मा २ जना र जिराभवानी गाउँपालिकाको महादेवपट्टीमा १ जना संक्रमित थपिएका छन्।
उता बाराको जितपूर सिमरा उपमहानगरपालिका वडा न. २ का १ जना महिला पनि संक्रमित भएको नारायणी अस्पतालका प्रवक्ता एवम् बरिष्ठ चिकित्सक डा. अतूलेश कूमार चौरसियाले जानकारी दिए। थपिएका संक्रमितहरुको सिटि भ्याल’ २० देखी ३६ सम्म रहेको डा. चौरसियाले बताए।
