बारामा चोरीको मोटरसाइकलसहित दुई जना पक्राउ परेका छन्।
पक्राउ पर्नेमा निजगढ नगरपालिका वडा नम्बर ७ बस्ने मान बहादुर श्रेष्ठ र सोही वडामा बस्ने कृष्ण दर्लामी मगर रहेको जिल्ला प्रहरी कार्यालय बाराका प्रवक्ता एवम प्रहरी नायब उपरीक्षक गौतम मिश्रले बताए।
जिल्लाको निजगढ नगरपालिका ९ शहिदचोकस्थित पुर्वपश्चिम राजमार्ग सडक खण्डमा इलाका प्रहरी कार्यालय निजगढबाट खटिएको प्रहरी टोलीले सवारी साधनहरु चेकजाँच गर्ने क्रममा उनीहरुलाई पक्राउ गरिएको हो ।
साथै उनीहरुले चोरी गरेको को बा ९७ प ३१०९ र बा ६८ प ५५९५ पल्सर मोटरसाइकल पनि नियन्त्रणमा लिइएको प्रहरीले जनाएको छ।
पक्राउ परेका दुबै जनालाई चोरी मुद्दा अन्तर्गत बारा जिल्ला अदालतबाट ५ दिनको म्याद अनुमति लिई थप अनुसन्धान कार्य भइरहेको प्रहरी नायब उपरीक्षक मिश्रले जानकारी दिए।
.jpg)
