महोत्तरीमा बुधबार एक स्कुलको बसबाट खसेर एकजना विद्यार्थीको घटनास्थलमै मृत्यु भएको छ।
मृत्यु हुनेमा रामगोपालपुर नगरपालिका ५ मा रहेको जानकी युगान्तर इंंङ्गलिस बोर्डिङ् स्कुलको कक्षा ६ मा अध्यायनरत १४ वर्षीय छात्र मोदसी शेक रहेका छन्।
विद्यालयमा छुट्टी भइसकेपछि रामगोपालपुर नगरपालिकादेखि गोठ बनौलितिर लिएर जाने क्रममा पुलभन्दा पछाडी सडकमा बा ३ ख २३९७ नम्बरको उनी खसेको प्रत्यक्षदर्शीहरुले बताएका छन्।
बसको मुख्य ढोका खुल्लै रहेको र मृतक विद्यार्थी ढोका नजिक उभिरहेकोले चालक ब्रेक लगाउदा बसबाट खसेर घटनास्थलमै मृत्यु भएको बताइएको छ।
घटनाको प्रकृति हेर्दा बसबाट खस्दा बसको पछाडीको चक्का शरिरमा चढेको र उनको मृत्यु भएको देखिएको छ।
विद्यार्थीको मृत्युपछि चालक भागिरहेको अवस्थामा बाटोमा हिँडिरहेको बटुवाहरुको सहयोगमा समातेर इलाका प्रहरी कार्यालय रामगोपालपुरको जिम्मा लगाएका छन्।
घटनाबारे थप अनुसन्धान भइरहेको प्रहरीले जनाएको छ।
