अमेरिकामा शनिबार एकै दिन २ लाखभन्दा बढी संक्रमित फेला परेका छन्। यसअघि पनि यति धेरै संख्यामा अमेरिकी संक्रमित भएका थिए।
यसैबीच अमेरिकी राष्ट्रपति डोनाल्ड ट्रम्पले कोरोना भाइरसको विषयमा लामो समयपछि पहिलो प्रतिक्रिया दिएका छन्।
ट्रम्पले भने, ‘कोरोना भाइरस अमेरिका मात्र होइन, विश्वभरि खतरनाक ढंगले फैलिरहेको छ।’
राष्ट्रपति चुनाव भन्दाअघि डेमोक्रेटिक उम्मेदवार तथा हालै राष्ट्रपति निर्वाचित जो वाइडेनले कोरोनासँग लड्न ट्रम्प प्रशासन असफल भएको बताएका थिए।
तर, निर्वाचन सम्पन्न भइसक्दा पनि अमेरिकामा कोरोना संक्रमितको संख्या घटेको छैन।
