सनराईजर्स हैदराबादले यूएईमा जारी १३ औँ इन्डियन प्रिमियर लिग (आइपीएल)मा दिल्ली क्यापिटल्सलाई पराजित गरेको छ।
मंगलबार राति भएकाे खेलमा हैदराबादले दिल्लीलाई ८८ रनले पराजित गरेको हो।
हैदराबादले दिएको २ सय २० रनको लक्ष्यसहित जवाफी ब्याटिङ गरेको दिल्लीले १९ ओभरमा अलआउट हुँदै १ सय ३१ रन मात्र बनाउन सक्यो।
दिल्लीका लागि ऋषब पन्तले सर्वाधिक ३६ रन जोड। उनले ३५ बलमा ३ चाैका र एक छक्का हानेका थिए। यता २९ बलमा ३ चाैका र एक छक्का हानेका अजिन्का रहानेले २६ रन बनाए।
टुसारदेश पाण्डेले अविजित २० रन जोड्दा शिम्रन हिटमायरले १६ रन बनाए। पाण्डेले २ चाैका र एक छक्का प्रहार गरे। यता हिटमायरले १३ बलमा ३ चाैका हाने।
कप्तान श्रेयस एयर ७ रनमा आउट हुँदा शिखर धवन सुन्य रनमा पेभेलियन फर्किए।
दिल्लीलाई सस्तैमा समेट्न हैदराबादका राशिद खानले ४ ओभरमा ७ रन खर्चिएर ३ विकेट लिए।
यस्तै सन्दीप शर्मा र टी नटराजनले २/२ विकेट लिए। उनीहरुले ४ ओभरमा २७ र २६ रन दिएका थिए।
यसअघि दुबई इन्टरनेशल क्रिकेट स्टेडियममा ओपनर डेभिड वार्नर र ऋद्धिमान शाहको उत्कृष्ट प्रर्दशनमा हैदराबादले २० ओभरमा २ विकेटको क्षतिमा २ सय १९ रन बनाएकाे थियाे।
हैदराबादका विकेटकिपर समेत रहेका शाहले ४५ बलमा १२ चौका र २ छक्का सहित सर्वाधिक ८७ रनको महत्वपूर्ण योगदान दिए।
कप्तान वार्नरले ३४ बलमा ८ चौका र २ छक्का सहित ६६ रनको आक्रामक इनिङ खेले।
पहिलो विकेटका लागि वार्नर र शाहले १ सय ७ रनको शतकीय साझेदारी गर्दै उत्कृष्ट सुरुवात दिलाएका थिए।
यी दुई ओपनरबीचको साझेदारी स्पिनर रविचन्द्रन वाश्विनले अक्षर पटेलबाट वार्नरलाई क्याच गराउँदै तोडेका थिए।
मनिष पान्डे ३१ बलमा ४ चौका र १ छक्का सहित ४४ रनमा अविजित रहे। केन विलियम्सन १० बलमा १ चौका सहित ११ रनमा अविजित रहे।
एनरिच नोर्कियाले ४ ओभरमा ३७ रन खर्चेर १ विकेट लिए। रविचन्द्रन आश्विनले ४ ओभरमा ३५ रन खर्चेर १ विकेट लिए।
कागिसो रबाडाले ४ ओभरमा ५४ रन खर्चिदै विकेट लिन सकेनन्।
.jpg)
