काठमाडौं उपत्यकामा भदौ ३ गतेबाट शुरू गरिएको ३ हप्ते निषेधाज्ञा भदौ २४ गते सकियो । कतिपय सरकारी स्वास्थ्य अधिकारीहरूले निषेधाज्ञाको नतिजा सकारात्मक आउने उतिबेलै प्रक्षेपण गरेका थिए, तर अहिले नतिजा उल्टो आएको छ ।
काठमाडौं उपत्यकामा मंगलवार मात्र ६ सय ७६ जनामा कोरोना संक्रमण देखिएको थियो । पछिल्लो समयमा काठमाडौंमा मृत्यु हुनेहरूको संख्या पनि बढ्दै गइरहेको छ ।
सामान्यतया निषेधाज्ञाले भाइरसको चेन ब्रेक गर्छ भन्ने मान्यता राखिन्छ । लक्षण नदेखिएका सम्भावित संक्रमितहरू कहीं जान नपाउने भएकाले थप संक्रमण हुन नदिने काम निषेधाज्ञाले गर्नुपर्ने हो ।
यससँगै १४ दिनमा संक्रमित आफैं संक्रमणमुक्त हुने भएकाले १४ दिनको निषेधाज्ञा नै भाइरसको चेन तोड्न पर्याप्त थियो ।
.png)
