बाँकेमा मालपोत कार्यालयका ८ कर्मचारीसहित थप ४० जनामा काेराेना संक्रमण देखिएकाे छ।
भेरि अस्पतालमा शनिबार गरिएको पीसीआर परीक्षणमा ३५ र बागेश्वरी ल्याबमा परीक्षणमा ५ जनामा संक्रमण पुष्टि भएको छ।
जसमध्ये १२ महिला र २८ पुरूष छन्।
मालपोत कार्यालयका ८ कर्मचारी मध्य लेखा अधिकृत समेत रहेको जिल्ला फोकल पर्सन नरेश श्रेष्ठले जानकारी दिए।
अन्य संक्रमित सबै सर्वसाधारण नागरिक रहेको उनले बताए।
योसँगै बाँकेमा मात्रै कुल संक्रमितको संख्या १ हजार ४ सय ४ जना पुगेको छ। त्यसमध्ये ४ सय १४ जना सक्रिय संक्रमित छन्।
१५ जान डिस्चार्ज
शनिबार बाँकेका १५ जना उपचारपछि निको भएर घर फर्किएका छन्।
हालसम्म कुल ९ सय ८५ जना उपचारपछि घर फर्किएको फोकल पर्सन श्रेष्ठले जानकारी दिए।
बाँकेमा कोरोना संक्रमित ८ जनाको मृत्यु भएको छ।
