आशिष खनाल
मलाई कोरोना संक्रमण भयो भनेर सम्बन्धित सरकारी निकायबाट भदौ १ गते फोन आयो। म आफैंले कोरोना जाँच गराए पनि पोजेटिभ छ भने रिपोर्ट हात नपर्दै सम्बन्धित सरकारी निकायमा खबर पुगिसक्ने रहेछ।
स्वास्थ्य निर्देशनालयबाट मलाई कुनै पनि लक्षण नभएकाले अस्पताल लान नमिल्ने कुरा आयो। म होम आइसोलेसनमै बसेँ। एक हिसाबले ठिकै हो, म जस्तो लक्षण नभएकालाई हस्पिटल लगे गाह्रो-साह्रो हुनेलाई कहाँ लाने त?
तर होम आइसोलेसनमा बस्दा सामाजिक भयको पाटो बेग्लै हुने रहेछ।
कोरोना संक्रमण हुनेबितिक्कै मैले फेसबुकबाट सबैलाई जानकारी गराएँ। यसमा लुकाउने कुरा के थियो र!
