प्रकाश न्यौपाने
प्यूठान नौबहिनी गाउँपालिका–८, फप्ली गौराचोकका १३ वर्षीय जीवन कुमार पुनको पहिरोमा परेर दुबै खुट्टा भाँच्चिए। तत्काल उनका बाबु कर्णबहादुरले जिल्ला अस्पताल प्यूठानमा पुर्याए। तर, त्यहाँ उपचार सम्भव नहुँदा भैरहवास्थित युनिभर्सल कलेज अफ मेडिकल साइन्सेज शिक्षण अस्पताल (यूसीएमएस)मा ल्याइयो। उनको खुट्टाको शल्यक्रिया गर्नुपर्ने भएपछि ४ लाख रुपैयाँ लाग्ने अस्पतालले बतायो।
विपन्न जीवनकाे परिवारले तत्काल उक्त रकम जुटाउन नसक्दा १३ दिनसम्म उनको खुट्टाको शल्यक्रिया हुन सकेन। भैरहवा क्षेत्रका सामाजिक संघसंस्थाले करिब ६ लाख रुपैयाँ सहयोग जुटाए र जीवनको खुट्टाको शल्यक्रिया भयो।
यस्तै, गत जेठ १२ गते आँपको रुखबाट लड्दा टाउकोमा गम्भीर चोट लागेपछि पश्चिम नवलपरासी रामग्राम नगरपालिका १७, देवगाउँ फूलभरियाका १६ वर्षीय छोटु साहानीलाई नजिकैको सरकारी पृथ्वीचन्द्र अस्पताल लगियो। उनको पनि त्यहाँ उपचार सम्भव नभएपछि यूसीएमएस भैरहवामा लगियो।
