सुशान्त सिंह राजपूतको आत्महत्या प्रकरणमा फिल्म निर्माता महेश भट्टको संलग्नतालाई लिएर कुरा उठिरहेको बेला उनको रिलिज हुन लागेको फिल्म ‘सडक–२’ ले नयाँ–नयाँ रेकर्ड बनाउन थालेको छ।
ट्रेलर रिलिज गर्दा उनको फिल्मलाई एक करोडभन्दा बढीले सोसल मिडियामा ‘डिस–लाइक’ गरेका थिए। आलोचनाकै बीच उनले फिल्मको दोस्रो रोमान्टिक गीत ‘इश्क कमाल’ रिलिज गरेका छन्।
‘इश्क कमाल’ गीत अभिनेता सञ्जय दत्त, आलिया भट्ट र आदित्य रोय कपुरलाई लिएर बनाइएको छ। गीतमा शब्द सुनिल जित र साल वैशले दिएका छन्। गीत जावेद अलीले गाएका हुन्।
तर, यो गीत सार्वजनिक भएको केही घण्टाभित्रै २७ लाख ‘डिस–लाइक’ पुगेको छ।
सडक–२ को रिलिज २८ अगस्टमा डिज्नी प्लस हटस्टारमा हुँदैछ। यो फिल्म सडक फिल्मको सिक्वेल हो।
