नुनुता राई
बस्ने मान्छे नै नभएपछि महँगो भाडा तिरेर राख्नुको औचित्य नभएर बन्द गरेको उनी बताउँछन्। “कोरोना भाइरस महामारीको कारण सबै अस्तव्यस्त भयो, अहिले त म होस्टल व्यवसायी हुँ भन्न सक्ने अवस्था नै छैन”, उनी भन्छन्।
बन्दाबन्दीअघि नै कोरोनाभाइरस संक्रमण फैलन सक्ने भन्दै होस्टल एसोसिएसनले केही समय होस्टल बन्द गर्न आग्रह गरेको थियो। त्यसलगत्तै बन्दाबन्दी शुरु भयो। काठमाडौँका ९८ प्रतिशत होस्टल बन्द भए।
करीब दुई प्रतिशत होस्टलमा भने कामकाजी व्यक्ति बसिरहेका थिए। केही समयका लागि भनेर बन्द गरिएका होस्टल कोरोनाभाइरस संक्रमित र मृतकको संख्या बढ्न थालेपछि कहिले खुल्ने निश्चित छैन।
काठमाडौँमा विद्यार्थी र कामकाजीहरुका लागि खुलेका होस्टल अहिले संकटमा परेका छन्। होस्टल बन्द गरेर भाडा मात्रै तिरिरहनुपरेपछि कतिपयले स्थायी रुपमै पेशा छाडेका छन्।
उपत्यकामा एसोसिएसनमा आबद्ध एक हजार २०० र आबद्ध नभएकाहरु करीब ३०० छन्। यस्ता होस्टलमा बस्ने कामकाजीभन्दा विद्यार्थी धेरै छन्। सामान्य अवस्था आएपछि खुल्ने भनिएका होस्टलबाट गएका अधिकांश विद्यार्थी अब तत्काल नफर्किने भएपछि व्यवसायीहरुलाई समस्या पर्न थालेको हो।
थप सामग्री : https://www.himalkhabar.com/news/117179
