प्रयास श्रेष्ठ
दैनिक उपभोग्य वस्तु चिनीको मूल्य अस्वाभाविक रुपमा बढ्न थालेको छ । केही दिन अघिसम्म बजारमा ७०–७२ रुपैयाँ प्रतिकेजीमा पाइने चिनीको मूल्यमा एकैपटक २०–३० रुपैयाँले वृद्धि भएर एक सयको हाराहारीमा पुगेको हो ।
हाल बजारमा चिनीको मूल्य अधिकतम् ९० देखि ९५ रुपैयाँ प्रतिकेजीमा कारोबार भइरहेको छ । बजारको माग अनुरुप चिनीको आपूर्ति नभएको र स्टक समेत रित्तिएको जनाउँदै व्यवसायीहरु महँगोमा चिनी आपूर्ति गर्नुपर्दा केही मूल्यवृद्धि गर्नुपरेको बताउँछन् ।
यतिखेर व्यवसायीहरुले अभावलाई देखाएर बजारमा आफुखुशी चिनीको मूल्य निर्धारण गरिरहेका छन् । खुद्रा बजारमा व्यापारीहरुले चिनीको मूल्य प्रतिकेजी ८५ रुपैयाँदेखि अधिकतम् ९०–९५ रुपैयाँसम्म लिइरहेका छन् ।
