स्पेनिस ला लिगा फुटबल अन्तर्गत बिहीबार राति भएको खेलमा दाेस्राे स्थानमा रहेकाे बार्सिलोना पराजित भएको छ।
घरेलु मैदानमा भएकाे खेलमा बार्सिलोना ओसासुनासँग २-१ गोल अन्तरले पराजित भएको हो।
खेलकाे १५ औं मिनेटमा जोसे अर्न्नेजले गोल गर्दै ओसासुनालाई अग्रता दिलाए।
६२ औं मिनेटमा कप्तान लियोनल मेस्सीले गोल गर्दै बार्सिलोनालाई १-१ गोलको बराबरीमा फर्काए।
खेलको ७७ औं मिनेटमा एन्रिक गाल्लेगोले रातो कार्ड पाउँदा ओसासुना १० खेलाडीमा समेटिएको थियो।
तर, खेलको इन्जुरी समयमा रोबर्टो टोरेसले गोल गर्दै ओसासुनालाई २-१ को जित दिलाए।
यो हारसँगै बार्सिलोना च्याम्पियन रियल मड्रिड भन्दा ७ अंकले पछि परेको छ।
बार्सिलोनाले ३७ खेलमा ७९ अंक जोडेको छ। रियलको ८६ अंक रहेको छ। ५१ अंक जोडेको ओसासुना ११ औं स्थानमा रहेको छ।