कोरोनाभाइरसको कहरले धेरैको व्यापार व्यवसाय चौपट बनाइदियो। तर यो बीचमा पनि नयाँ विधि र प्रविधिबाट व्यवसाय गर्नेहरूले भने फाइदै फाइदा लिएका छन्।
दाङ घोराहीमा ‘एक कल, समस्या हल’ त्यस्तै व्यवसायको एउटा उदाहरण हो। लकडाउनका तीन महिनामा यसले अघिपछि भन्दा कयौं गुणा राम्रो व्यापार गर्न सफल भएको छ।
घोराहीकै चार जना युवाहरू सरोज गिरी, संगम पौडेल, अमर अधिकारी र भिउराज थापा मगर मिलेर २०७४ मंसिरदेखि यो अनलाइन बिजनेस सुरू गरेका थिए।
सुरूमा म:म, चाउमिनजस्ता रेष्टुरेन्टका अर्डरहरू मात्रै घरघरमै पुर्याउने काम उनीहरूले गरे। सानो बजारमा अनलाइन व्यवसायमा चुनौती नहुने कुरै भएन।
