कतारबाट फर्किएका मोरङका सन्तोष दाहाल देशमै व्यवसाय गर्ने सोचसहित आवश्यक कागजात लिएर राष्ट्रिय वाणिज्य बैंकको केन्द्रीय कार्यालय पुगे। उनले बैंकका प्रमुख कार्यकारी अधिकृत (सिइओ)लाई पनि भेटे। सिइओले उनले ल्याएका कागजात र प्रपोजल हेरे, कुराहरू सुने।
‘उहाँले तपाईँले ऋण सजिलै पाउनुहुन्छ नजिकैको शाखामा जानुस् भन्नुभयो। नयाँ बानेश्वरस्थित बैंकको गएँ। त्यहाँको कुनै पनि कर्मचारीहरूले अनुहार पनि राम्रोसँग नहेरी हाम्रो शाखाबाट ऋण मिल्दैन अर्को मैतिदेवी शाखामा जानुस् भनेर पठाउनु भयो,’ दाहालले सुनाए।
