अखिल नेपाल फुटबल संघ (एन्फा) ले कोभिड-१९ राहत कार्यक्रमअन्तर्गत जिल्ला फुटबल संघ र क्लबहरुलाई राहत प्रदान गर्न थालेको छ।

अन्तर्राष्ट्रिय फुटबलको सर्वोच्च संस्था फिफाले कोरोना भाइरस प्रभावित आफ्ना फुटबल संघलाई राहत उपलब्ध गराउने निर्णय गरेसँगै एन्फाले १ लाख डलर बाढ्ने निर्णय गरेको थियो। जसमध्येएन्फाले पहिलो चरणमा १२ जिल्ला र १२ क्लबलाई मंगलबार राहत उपलब्ध गराएको हो।

एन्फाले क्लब र जिल्लालाई ७५–७५ हजार रुपैयाँ प्रदान गरेको हो। एन्फाले अन्य जिल्ला संघ र क्लबहरुलाई पनि राहत पाउनका लागि मुल्याकंन फारम भर्न आग्रह गरेको छ।

फिफामा प्राप्त राहत एन्फाले ४८ जिल्ला फुटबल संघ, ४ समिति, १४ ए डिभिजनका क्लबहरु, १२ बी डिभिजनका क्लब, १४ सी डिभिजनका क्लब, एन्फामा आवद्ध रहेका सबै तहका एन्फाका प्रशिक्षक तथा कर्मचारी, शहिद स्मारक ए डिभिजन संचालन गर्ने रेफ्रि र रेफ्रि एसेशरलाई प्रदान गर्ने निर्णय गरेको थियो।

नेपाली राष्ट्रिय महिला तथा पुरुष फुटबल टिमका ३५-३५ जनालाई जनही १५ हजार रुपैयाँ खुराक खर्च प्रदान गर्ने पनि एन्फाको निर्णय छ।