चितवनमा थप ३० जनामा कोरोना भाइरसको संक्रमण पुष्टि भएको छ।
भरतपुर अस्पताल चितवनले जारी गरेको पछिल्लो तथ्यांक अनुसार २४ गते प्राप्त नमुना स्वाबको पीसीआर परीक्षणबाट भरतपुर महानरगरपालिकास्थित क्वारेन्टाइनमा बसेकाहरुमध्ये ७ जनामा कोरोना संक्रमण भएको पाइएको हो। सातै जना भरतपुर महानगरपालिकाका पुरुषहरु रहेका छन् ।
नयाँ कोरोना संक्रमितमध्ये भरतपुर महानगरपालिका-२८ का १७ र ३५ वर्षीय पुरुष, वडा नमेबर २० का २३ वर्षीय पुरुष, वडा नम्बर २७ का ३५ वर्षीय पुरुष, वडा नम्बर १९ का १९ वर्षीय पुरुष र वडा नम्बर ११ का २३ वर्षीय पुरुषमा कोरोना संक्रमण देखिएको अस्पतालले जनाएको छ ।
यसअघि आजै दिउँसोको बुलेटिनमा चितवनमा २३ जना कोरोना संक्रमित फेला परेका छन्। भरतपुर कोभिड–१९ परीक्षण प्रयोगशालामा शुक्रवार र शनिवार आएका ३ सय १० वटा नमुना परीक्षण गर्दा २३ जनामा कोरोना भाइरसको संक्रमण पुष्टि भएको हो ।
भरतपुर अस्पतालले दिएको जानकारी अनुसार यी मध्ये १७ जना चितवनका हुन् । त्यस्तै पाँच जना नवलपुर र एक जना धादिङ्का व्यक्ति रहेको भरतपुर अस्पतालका मेडिकल सुपरिटेण्डेन्ट श्रीराम तिवारीले जानकारी दिए ।
कोरोना संक्रमित मध्ये २ जना स्वास्थ्यकर्मीमा पनि कोरोना पुष्टि भएको छ । यस्तै निजि अस्पतालमा काम गर्ने १७ र २४ बर्षिय पुरुषमा पनि कोरोना पुष्टिभएको तिवारीले जानकारी दिए ।
पोजिटिभ देखिएकामध्ये भरतपुर–३ का ६८ वर्षीय पुरुषको अवस्था जटिल छ । उनको भरतपुरको नारायणी सामुदायिक अस्पतालको आईसीयूमा उपचार भइरहेको छ ।
त्यस्तै दुई जना कलेज अफ मेडिकल साइन्सेज शिक्षण अस्पताल भरतपुरमा उपचाररत बिरामी हुन् । उनीहरु २५ वर्षका पुरुष र ६६ वर्षीया महिला रहेको डा। तिवारीले जानकारी दिए । उनीहरु चितवनकै हुन् वा बाहिरको भन्ने एकिन जानकारी भरतपुर अस्पतालले खुलाइसकेको छैन ।
पोजिटिभ देखिएकामध्ये माडी नगरपालिकाका विभिन्न क्वारेन्टिनमा बसेका ६ जना छन् । उनीहरु सबै हालै भारतबाट आएका थिए । उनीहरुमध्ये १४ वर्षीया किशोरी छन् भने बाँकी ४६, २४, ४२, २० र २८ वर्षीय पुरुष छन् ।
भरतपुर महानगरपालिकाका ५ जना छन् । उनीहरुमध्ये भरतपुर–६ र २१ नम्बरका २ महिला र २ पुरुष हुन् । त्यस्तै भरतपुर–४ की २१ वर्षीया महिला हुन् ।
नवलपरासी सुस्ता पूर्वका ५ जना छन् । जसमध्ये ६३ वर्षका महिला तथा ३३, ३९, ४० र २१ वर्षका ४ जना पुरुष रहेका छन् ।
राजविराज–९ का एकजना महिला हाल बीपी कोइराला मेमोरियल क्यान्सर अस्पतालमा उपचाररत छन् । उनी ६२ वर्षकी छन् । त्यस्तै गजुरी गाउँपालिका वडा नम्बर ५ की ३२ वर्षीया महिलामा पनि कोरोना पोजिटिभ देखिएको छ ।
यो सँगै चितवनमा हाल कोरोना संक्रमितको संख्या ३० पुगको छ।
.jpg)
