के आई सिह राजमार्ग अन्तर्गत अमरगढी नगरपालिका १० राई भन्ने स्थानमा ट्रक दुर्घटना हुँदा चालकको मुत्यु भएको छ।

शनिबार राति ११ बजे ट्राफिक प्रहरी पोष्ट स्याउलेमा ईन्ट्री गरि धनगढी चन्द्रौटाबाट बाजुराका लागि सिमेन्ट लैजाँदै गरेको ट्रक दुर्घटना भएको हो। 

ना ५ ख २२४६ नं को मालबहाक ट्रक सडकबाट करिव १०० मिटर तल पल्टिएको जिल्ला प्रहरी कार्यालय डडेल्धुराले जनाएको छ ।

उक्त दुर्घटनामा ४२ वर्षीय ट्रकका चालक जयदेव बिष्टको मुत्यु भएको छ। चालक पाटन नगरपालिका ८ खोडेपेका हुन् । चालक आफै ट्रक मालिकसमेत  हुन्।