फेदीखोला गाउँपालिका स्थित सिद्धार्थ सामुदायिक बहुमुखी क्याम्पसमा रहेको क्वारेन्टिनबाट घर जाँदै गरेका एक व्यक्तिको बाटोमै मृत्यु भएको छ। मृत्यु हुनेमा फेदीखोला गाउँपालिका–२ का ५० वर्षीय खड्कबहादुर कार्की रहेका छन्।
यही जेठ १३ गते भारतबाट सुनौली नाका हुँदै स्याङ्जा आएका उनी १४ गतेदेखि गाउँपालिकाको क्वारेन्टिनमा बस्दै आएका थिए।
गत शुक्रबार लिइएको स्वाब परीक्षणमा रिपोट नेगेटिभ आएपछि अन्य दुई जनासँगै आइतबार घर जाँदै गरेका उनी अचानक बाटोमै बेहोस भएका थिए।
उनलाई रातिनै गाउँपालिकाको सवारी साधनमा गण्डकी प्रदेश अस्पताल पोखरा पु¥याइएकामा उपचारका क्रममा राति मृत्यु भएको गाउँपालिकाका अध्यक्ष घनश्याम सुवेदीले जानकरी दिए।
मृत्युपश्चात आज पुनः स्वाब परीक्षण गर्दा रिपोर्ट नेगेटिभ आएको गाउँपालिकाले जनाएको छ। पारिवारिक स्रोतका अनुसार कार्की उच्च रक्तचाप र मुटुको बिरामी थिए।
.jpg)
