नागढुंगामा स्वास्थकर्मीमाथि दुर्व्यवहार गर्ने युवक पक्राउ परेका छन। पक्राउ पर्नेमा उत्तम कार्की रहेका छन।

 चन्द्रागिरीबाट महानगरीय प्रहरी परिसर काठमाडौंको टोलीले कार्कीलाई पक्राउ गरेको परिसरका एसएसपी श्यामलाल ज्ञवालीले जानकारी दिए।  

स्वयंसेवाका नाममा बागमती प्रदेश जनस्वास्थ्य प्रयोगशालाका निर्देशक नारायण कार्कीमाथि दुव्यर्वहार गरेकाले उनलाई पक्राउ गरिएको हो।

गत शुक्रबार अत्यावश्यक कामले काठमाडौं आएका कार्कीको गाडी रोकेर नागढुंगामा एक युवाले खानतलासी गर्नुका साथैं दुव्यर्वहार समेत गरेका थिए।

उनले खिचेको भिडिओ सामाजिक सञ्जालमा भाइरल भएको थियो भने विरोधसमेत भएको थियो। बागमती प्रदेशको सामाजिक विकास मन्त्रालयले प्रयोगशालाका निर्देशक कार्कीमाथि अभद्र व्यवहार गर्नेलाई कारबाही गर्न माग गरेको थियो।  

गृहकै निर्देशनमा ती युवालाई पक्राउ गरिएको हो। दुर्व्यवहार गर्ने उत्तम कार्कीको कुनै पनि परिचय पत्र नरहेको समेत खुलेको छ।