.jpg)
लकडाउन नभइदिएको भए हरिवंश आचार्य यति बेला अमेरिकामा हुन्थे। वा अलि अगाडि नै पुगेको भए उतै थुनिँदा हुन्। व्यस्त दैनिकी, भागदौडबाट छुटकारा पाउन हरिवंश अक्सर अमेरिका जान्छन्। पारिवारिक भेटघाट र केही कार्यक्रम सकेर फर्किन्छन्। यसपटक पनि उनको कार्यसूची त्यही थियो।
उसो त, उनी अमेरिका जान खोज्नुको अर्को कारण मुख्य छ- उनका दुई वर्षे नाति।
अमेरिका बस्ने आफ्नो जेठा छोरोका छोरा टुकुटुकु हिँड्ने भएका छन्। बोलीको दिउल भर्खर फुटेको छ। हरिवंशका लागि भर्खर अंकुराएको नातिको बोली दुनियाँकै सर्वश्रेष्ठ आवाज हो।
त्यो तोते बोली सुन्न उनी असाध्यै आतुर छन्। लकडाउनका कारण उनले 'मिस' गरेको सबभन्दा ठूलो कुरा पनि यही हो।
