प्रहरीले म्याद नाघेको मैदासहित गोदाम सञ्चालकलाई नियन्त्रणमा लिएको छ। पक्राउ पर्नेमा लहान नगरपालिका वडा नं. ६ का ५४ वर्षीय पवन कुमार मुनधरा रहेका छन्।

सिरहा जिल्लाको लहान नगरपालिका वडा नं. ५ स्थित मुनधरा मा उनले संञ्चालन गरेकाे गोदामबाट १४ क्विन्टल म्याद नाघेको मैदासहित उनलाई नियन्त्रणमा लिएको जिल्ला प्रहरी कार्यालय सिरहाका प्रहरी प्रवक्ता प्रहरी नायव उपरीक्षक विनोद घिमिरेले जानकारी दिए।

मुनधरालाई नियन्त्रणमा लिएर आवश्यक कारवाहीको लागि जिल्ला प्रशासन कार्यालय सिरहामा बुझाएको प्रहरी नायव उपरीक्षक घिमिरेले जानकारी दिए।