पोखरा । आज मे १ । मजदुर दिवस । अहिलेको मजदुर दिवस फेरिएको छ । यसअघिका मजदुर दिवसमा पनि मजदुरी गर्न जानेहरु यसपटक भने महिनौँदेखि घरमै थन्किएका छन् । मजदुरी गरेर जिविका चलाउने मजदुरहरु यतिबेला आफू नै जीवित रहन महिनादिनदेखि घरमै बन्दाबन्दीमा छन् ।
कोभिड १९ को महामारीका कारण देश ठप्प जस्तै छ । निर्माण, उद्योग देखि सबै खाले व्यापार व्यवसाय बन्द छन् । व्यापार व्यवसाय बन्द भएपछि मजदुरको मजदुरी पनि बन्दै भयो । दिनभरि श्रम बेच्ने र बेलुका त्यही श्रमबापत पाएको ज्यालाले खाद्यान्न किनेर जिविका चलाउने मजदुरहरुको दैनिकी कष्टकर नै छ ।
