सप्तरीकाे हनुमाननगर कंकालनी नगरपालिका–१, भारदहस्थित सडक छेउमा एक युवकको शव फेला परेको छ ।

धारिलो हतियार प्रहार गरिएको अवस्थामा सोमबार १९ वर्षीय सुरज साहको शव फेला परेको सप्तरी प्रहरीले जनाएको छ ।

भारदह निवासी साहको टाउकोको पछाडिको भागमा धारिलो हतियार प्रहार भएको प्रहरीले जनाएको छ ।

भारदहदेखि भलुवातर्फ जाने कोशी बाँधको छेउमा उनको शव फेला परेको सप्तरी प्रहरीका प्रवक्ता एवं डीएसपी तिलक भारतीले जानकारी दिए ।

घटनाको अनुसन्धान गर्नका लागि तालिम प्राप्त कुकुर बोलाइएको इलाका प्रहरी कार्यालय कञ्चनपुरका प्रमुख डीएसपी मकेन्द्र मिश्रले बताए ।