‘आजको संकटबाट नेपाल र नेपालीलाई जोगाउन एक्यवद्ध भएर गम्भीर ढंगले कार्य गरौं, अपील गरेको छु ।’
कांग्रेस सभापति एवम् पूर्व प्रधानमन्त्री शेरबहादुर देउवाले कोरोना संकटबारे सबै पूर्वप्रधानमन्त्रीहरूसँग आइतबार टेलिफोन संवाद गरेका छन् ।
उनले पूर्वप्रधानमन्त्रीहरू नेकपाका कार्यकारी अध्यक्ष पुष्पकमल दाहाल ‘प्रचण्ड’, वरिष्ठ नेताद्वय झलनाथ खनाल र माधवकुमार नेपाल, समाजवादी पार्टीका अध्यक्ष डा. बाबुराम भट्टराई, राप्रपा नेता लोकेन्द्रबहादुर चन्द एवम् मन्त्रिपरिषद्का पूर्वअध्यक्ष एवम् पूर्व प्रधानन्यायाधीश खिलराज रेग्मीसँग कुराकानी गरेका हुन् ।
‘आजको संकटबाट नेपाल र नेपालीलाई जोगाउन एक्यवद्ध भएर गम्भीर ढंगले कार्य गरौं, अपील गरेको छु,’ टेलिफोनपछि देउवाले ट्वीट गर्दै भनेका छन् ।
पुर्व प्रधानमन्त्री मित्रहरू लोकेन्द्रबहादुर चन्द,पुस्पकमल दहाल,माधव नेपाल,झलनाथ खनाल,बाबुराम भट्टराई तथा अध्यक्ष खिलराज रेग्मिसंग आज टेलिफोनमा संवाद गरें l
— Sher Bahadur Deuba (@DeubaSherbdr) April 5, 2020
आजको संकटबाट नेपाल र नेपालीलाई जोगाउन एक्यवद्ध भएर गम्भीर ढंगले कार्य गरौं,अपील गरेको छु l
