नेपाल वायुसेवा निगमको ए–३३२ वाइडबडी विमान चीनको ग्वाङझाओ जाने भएको छ । कोरोना भाइरस परीक्षण गर्ने कीट र पीपीईलगायतका औषधिजन्य सामाग्रीहरु लिन विमान ग्वाङझाओ जान लागेको हो। 

भोलि शनिबार फ्लाइट नम्बर आरएनए ४१७१ को उडानमा चार्टर्ड विमान काठमाडौंबाट ग्वाङझाओ जान लागेको विमानस्थल भन्सार विभाग स्रोतले बताएको छ।

स्रोतका अनुसार  वाइडबडीले भेन्टिलेटरलगायतका सामग्रीसमेत ल्याउनेछ।

यसअघि चीनमा कोरोना भाइरसको संक्रमण फैलिएपछि त्यहाँ रहेका नेपालीहरुलाई पनि नेपाल वायु सेवा निगमकै वाइडबडी जहाजले ल्याएको थियो ।