‘तिमी मसँग नाच्छ्यौ ? ’ दाङका कमल पण्डितको प्रस्तावले उनकी पत्नी उषा लजाइन् । उनले मुस्कुराउँदै भनिन्, ‘यत्रो जीउ छ । के सकूँला र ? ’ सँगै रहेका छोरी र भान्जीले यो जोडीलाई नाच्न हौस्याए।
नाच सुरु गर्नुअघि कमल र उषाले साबुनपानीले हात धोए । स्यानिटाइजर दले । त्यसपछि दोहोरी गीतको तालमा कम्मर मर्काए । ‘कोरोना भाइरसको डरका कारण साबुनपानीले हात धोएर स्यानिटाइजर लगायौं’, उषाले भनिन्, ‘अनि, हात समाउँदै नाच्दा समय बिताउन सजिलो भयो ।’
