विश्वमा फैलिएको कोरोना भाइरस अर्थात कोभिड–१९को सम्भावित संक्रमणलाई ध्यानमा राखेर चन्द्रागिरि केबलकार बन्द गरिएको छ।
चन्द्रागिरि हिल्स लिमिटेडले कोरोनाको संक्रमण नेपालमा पनि हुनसक्ने भन्दै आइतबारदेखि केबलकार र रिसोर्ट बन्द गर्ने निर्णय गरेको हो।
हिल्सका महाप्रबन्धक अभिषेकविक्रम शाहले सरकारको नीति र निर्देशन पालनाका साथै रोगका बारेमा सजग हुनुपर्ने भएकाले तत्कालका लागि केबलकार र रिसोर्ट बन्द गर्ने निर्णय गरेको जानकारी दिए। ‘सरकारको निर्णय र निर्देशनअनुसार अति आवश्यक सेवाबाहेकका अन्य सेवा बन्द गर्ने निर्णयबमोजिम अर्को सूचना नआएसम्मका लागि केबलकार र रिसोर्ट बन्द गर्ने निर्णय गरेका छौँ’, उनले भने।
हिल्सले कोरोनाको संक्रमणबाट जोगिनका लागि सम्पूर्ण जनतालाई आग्रहसमेत गरेको छ।
