नेपाली सेनाको मुख्यालय सुन्धारामा यतिखेर निलो पालहरु देखिन्छ। कोभिड १९ को प्रकोपबाट बच्नका लागि पूर्व तयारी स्वरुप नेपाली सेनाले ५४ वटा टेन्ट प्रशिक्षणका लागि तयार पारेको हो। केहीगरी नेपालमा कोरोनाको प्रकोप फैलिहाल्यो भने कसरी काम गर्ने भन्ने तयारीका लागि सेनाले यस्तो अभ्यास गरेको हो।
चीनको वुहानबाट ल्याइएका नेपालीहरुलाई भक्तपुरमा आइसोलेसनमा राख्न जुटेका नेपाली सेनाका चिकित्सकहरुले यहाँ डेमो गरेका हुन्। आज मिडियालाई उनीहरुले कोरोनाको प्रकोप फैलियो भने कसरी त्यस्तो अवस्थामा काम गरिन्छ भन्ने ब्रिफिङ गरे। उनीहरुको अभ्यासमा ग्लोब्स लगाउनेदेखि उपचार गर्ने तरिकासमेत देखाइएको थियो।
