नायिका तारा सुतरिया अब चलचित्र ‘एक भिलेन’मा काम गर्ने तयारीमा छिन्। मोहित सुरीले निर्देशन गर्न लागेको यो चलचित्रका लागि तारा उत्साहित छिन्। तर, यो चलचित्रमा ताराको अभिनय मात्र रहने छैन।
भारतीय मिडियाका अनुसार, यो चलचित्रमा ताराले गीत पनि गाउनेछिन्। तारा राम्रो गायिका पनि हुन्।
ताराले भारतीय मिडियासँग कुरा गर्दै भनेकी छिन्–‘यो कुराले मलाई उत्साहित बनाएको छ। यो चलचित्रमा मलाई गीत गाउने मौका मिलेको छ।’
चलचित्र ‘एक भिलेन २’ मा ताराको साथमा जोन अव्राहम, आदित्य रोय कपुर , दिशा पटानी लगायतका कलाकारको पनि मुख्य भूमिका छ। यो एक तेलुगु चलचित्रको रिमेक हो।
