नायक सलमान खानको चलचित्र ‘राधे’को छायांकन स्थगित भएको छ। विश्वभर फैलिएको कोरोना भाइरसका कारण यो चलचित्रको छायांकनमा स्थगित गरिएको हो।
यो चलचित्रको एक गीत र केही एक्सनका दृश्यको छायांकन अजरबैजानमा गर्ने तयारी गरिएको थियो। यसका लागि छायांकन टोलीका केही सदस्य अजरबैजानको राजधानी बाकु पनि पुगिसकेका थिए।
यता नायक सलमान खान र नायिका दिशा पटानी चलचित्रको छायांकनका लागि बाकु जाने तयारीमा थिए।
तर, सिंगो टिमलाई नै लिएर छायांकनमा जाँदा जोखिम हुने डरका कारण ‘राधे’को छायांकन बाकुमा नहुने भएको छ। इदमा रिलिज हुने यो चलचित्रलाई प्रभुदेवाले निर्देशन गरिरहेका छन्।
सलमान खान प्रोडक्शन, सोहेल खान प्रोडक्शन र अतुल अग्नीहोत्रीले मिलेर यो चलचित्र बनाइरहेका छन्।
