विराटनगरमा श्रीमान्‌ले श्रीमतिको हत्या गरेका छन्।

सोमबार विराटनगर महानगरपालिका १२ मलंगवामा ७२ वर्षीय परण ऋषिदेवले ७० वर्षीय श्रीमति सवुत्री ऋषिदेवलाई सिसौको चिर्पटले हानेर हत्या गरेका हुन्।

वडा प्रहरी कार्यालय विराटनगरका अनुसार विगत ५ वर्षदेखि प्यारालाईसिस श्रीमति सवुत्रीलाई आपसी तनावका क्रममा कम्मरमा चिर्पटले प्रहार गरेका थिए।

दुवैवीच घरायसी विषयमा तनाव भएको हुन सक्ने बताएका वडा प्रहरी कार्यालय प्रहरीका प्रहरी नायब उपरिक्षक वेदप्रसाद गौतमले बताए। उनका अनुसारअध्याधिक मदिरा सेवनपछि चिर्पट प्रहार गर्दा श्रीमतीको मृत्यु भएको हो।

हत्यामा संलग्न परणलाई पक्राउ गर्दै सवुत्रीको शव पोस्टमार्टमका लागि कोशी अस्पताल लगेर घटनाको अनुसन्धान सुरु गरिएको प्रहरी नायब उपरिक्षक गौतमले जानकारी दिए।