बलिउड अभिनेत्री प्रियंका चोपडा भारत फर्किएकी छिन्। श्रीमान निक जोनास र परिवारको साथमा होली खेल्न उनी भारत फर्किएकी हुन्।
निकले इन्स्टाग्राममा होलीको तस्विरहरु पोस्ट गर्दै आफूले पहिलो पटक होली मनाएको बताएका छन्।
उनले तस्विर शेयर गर्दै लेखेका छन्, ‘मेरो दोस्रो घर भारतमा निकै रमाइलो भयो। मेरो पहिलो होली। धेरै रमाइलो भयो।’
तस्विरमा उनीहरु दुवै सेतो पहिरनमा देखिएका छन्। होली पार्टीमा प्रियंका र निकका अलावा कट्रिना कैफलगायत अन्य थुप्रै बलिउड हस्तीहरु उपस्थित थिए।
पछिल्लो समय उनीहरु अमेरिकामा बस्दै आएका छन्। उनीहरुले अमेरिकाको लस एन्जलसमा १४४ करोड भारुको घर खरिद गरेका छन्।
