काठमाडौं। सिन्धुपाल्चोककी पार्वती तामाङ (१९) लाई एसएलसी परीक्षा दिएर काठमाडौं आउँदा के गर्ने भन्ने थाहा थिएन।
सिलाई/बुनाई सम्बन्धी कुनै तालिम लिएर भविष्यमा त्यसैलाई कर्म बनाउने सोंच थियो उनको। तर, त्यसका लागि काठमाडौंमा खोजेजस्तो ठाउँ फेला पारेकी थिइनन्। खासमा उनलाई घर र पढाई खर्च पनि जुटाउनु थियो।
त्यहीबेला उनले ‘हात्ती हात्ती’ नामको कम्पनीबारे थाहा पाइन्। एकजना आफन्त दिदीले महिलालाई सिलाई/बुनाईको तालिम दिने उक्त कम्पनीबारे बताएकी थिइन्। महिलालाई तालिमसहित सशक्तिकरणका लागि पनि काम गर्ने उक्त संस्थामा पार्वती दुई वर्षदेखि आबद्ध छिन्। १२ कक्षामा पढ्ने उनको पढाई खर्च पनि कम्पनीले नै व्यहोर्दै आएको छ। त्यसबाहेक यातायात खर्च र खाना/खाजा खर्च समेत कम्पनीले दिन्छ।
