यस वर्षको आइफा २९ मार्चमा मध्यप्रदेशको इन्दोरमा आयोजना हुँदैछ। यसका लागि आइफाले बुधबार नोमिनेशन सार्वजनिक गरेको छ।
आइफा २०२० को बेस्ट फिल्मअन्तर्गत पाँच फिल्म नोमिनेशनमा परेका छन्। जसमा आर्टिक १५, गली व्वाय, कबीर सिंह, केसरी र उरी छन्।
नोमिनेशनमा सबैभन्दा बढी गली व्वायले स्थान पाएको छ। गली व्वायले १४ नोमिनेशन पाएको छ। त्यस्तै आर्टिकल १५ ले सात नोमिनेशन पाएको छ।
मुख्य अभिनेतातर्फ आर्टिकल १५ बाट आयुष्मान खुराना, गली व्वायबाट रणवीर सिंह। कवीर सिंहबाट शाहिद कपुर, सुपर ३० बाट ऋतिक रोशन र उरीबाट विक्की कौशल नोमिनेशनमा परेका छन्।
त्यस्तै मुख्य अभिनेत्री तर्फ बदलाबाट तापसी पन्नु, गुड न्युजबाट करिना कपुर, गली व्वायबाट आलिया भट्ट, मिसन मंगलबाट विद्या बालन र द स्काइ इज पिंकबाट प्रियंका चोपडा नोमिनेशनमा परेकी छन्।
त्यस्तै निर्देशनतर्फ आर्टिक १५ बाट अनुभव सिन्हा, बदलाबाट सुजाय घोष, गली व्वायबाट जोया अख्तर, कवीर सिंहबाट सन्दीप रेड्डी वांगा र उरीबाट आदित्य धर नोमिनेशनमा परेका छन्।
