सुर्खेतमा जीप दुर्घटना हुँदा तीन जनाको घटनास्थलमै मृत्यु भएको छ। 

बुधबार दैलेखको धरमपोखराबाट सुर्खेत आउँदै गरेको कर्णाली प्रदेश ०२–००१ ज०००७ नम्बरको जीप वीरेन्द्रनगर १५ राउटे गल्छेना भन्ने ठाउँमा दुर्घटना भएको हो।
जिल्ला प्रहरी कार्यालय सुर्खेतका प्रवक्ता, प्रहरी नायब उपरीक्षक रवि रावलका अनुसार जीप अनियन्त्रित भई सडकबाट करिब ४०० मिटर तल खसेको छ। 

जीपमा सवार सात जनामध्ये तीन जनाको घटनास्थलमै मृत्यु भएको उनले बताए। मृत्यु भएकाहरुको सनाखत हुन सकेको छैन।

घाइतेहरुलाई उपचारका लागि वीरेन्द्रनगर ल्याउन लागिएको प्रहरीले जनाएको छ।