नसिरुद्दिन शाह चर्चित भारतीय अभिनेता हुन् । त्यसका साथै उनी देशको परिस्थितिबारे बोल्न हिचकिचाउँदैनन् । भारतीय अनलाइन पोर्टल ‘द वायर’का संस्थापक सम्पादक सिद्धार्थ भाटियासँगको कुराकानीमा फिल्म अभिनेता नसिरुद्दिनले सीएए–एनआरसी–एनपीआरको विरोधमा चलिरहेको विरोधी प्रदर्शन, साम्प्रदायिकताको उभार र महत्त्वपूर्ण मुद्दामा फिल्म उद्योगका ठूला हस्तीले लिने मौनतासमेत कैयाँै विषयमा कुराकानी गरेका छन् ।
सिद्धार्थ भाटिया : अहिले देशमा निक्कै उथलपुथल छ । नागरिकता संशोधन कानुन (सीएए) र राष्ट्रिय नागरिक रजिस्टर (एनआरसी)विरुद्ध आम विरोध प्रदर्शन देखिँदैछ । महिला घरबाट बाहिर निस्किरहेका र धेरै दिनदेखि शाहीन बागमा धर्नामा छन् । विद्यार्थीहरु सडकमा छन्, जो शैक्षिक संस्थालाई नकारात्मक असर गर्ने सरकारी नीति र कदमको विरोध गरिरहेका छन् । एक प्रकारले राज्यको हिंसाको बाबजुद मानिसहरु सडकमा उत्रिरहेका छन् र छात्र नेताहरुलाई पिटिँदैछ ।
सिद्धार्थ : हो तीमाथि हिंसाको आरोप लगाइएको छ तर पनि मानिसको जोश घटेको छैन । तपाईं यसलाई कुन दृष्टिले हेर्नुहुन्छ ? अचानक यस्तो के भयो, जसले मानिसहरु यसरी बाहिर आउन थाले ?
