कवि उत्तमकृष्ण मजगैयाँकाे अनुगुञ्जन कवितासङ्ग्रह सार्वजनिक भएकाे छ। राजधानीमा भएको एक समारोहमा शास्त्रीय छन्दमा आवद्ध ५१ फुटकर कविताहरूकाे सङ्ग्रह सार्वजनिक गरिएकाे हो।
उनको हाँस्यव्यङ्ग निबन्ध, मुक्तलयका कविता र खण्डकाव्यहरूपछिको यो दसाैँ कृति हाे।
विविध शीर्षकमा रस, भाव र आनुप्रासिकताकाे अन्तर्गुञ्जन रहेकाे सो प्रस्तुतले नेपाली कविता जगतमा एउटा सुन्दर कृति थपिएकाे समालाेचक डा. वासुदेव त्रिपाठीले बताए।
उक्त समारोहमा कविहरू भुवनहरि सिक्देल , प्रह्लाद पाेखरेल , डा. मधुसूदन लामिछानेले सङ्ग्रहका केही कवितावाचन गरेका थिए भने डा.रामप्रसाद ज्ञवाली, नेसंविका पूर्वउपकुलपति कुलप्रसाद काेइराला र समालाेचक गाेपीकृष्ण शर्मा, बुनु लामिछाने र रमेश शुभेछुकलगायतको उपस्थिति रहेको थियो।
