बार्सिलोनाका मिडफिल्डर इभान राकिटिकले आफू युभेन्टस तथा पोर्चुगलका स्टार क्रिस्टियानो रोनाल्डोको साथमा खेल्न चाहेको बताएका छन्।
आफ्नो भविष्यबारे सोधिएको एक प्रश्नमा उनले लिओनल मेसी सबैभन्दा उत्कृष्ट भएको र अब आफूले रोनाल्डोको साथमा खेल्न चाहेको बताएका थिए। ‘हामी रोनाल्डोलाई हेरेर मनोरञ्जन लिन सक्छौँ र उनी भएका कारण युभेन्टस अहिले यस स्थानमा छ। उनी इतिहासकै उत्कृष्ट खेलाडीमध्ये एक हुन्’, राकिटीकले भने।
राकिटिले युभेन्टसका स्टार रोनाल्डो इतिहासकै उत्कृष्ट खेलाडीमध्ये एक भएको बताए। साथै उनले नेयमार खुसी खोज्दै पीएसजी पुगेको र उनी पनि उत्कृष्ट खेलाडी भएको बताए।
यता मेसीसँग खेल्न पाउनु कुनै पनि खेलाडीको भाग्यको कुरा भएको बताए। ‘मेसी वास्तवमा नै उत्कृष्ट खेलाडी हुन्। मेस्सी विगत १५ वर्षदेखि उत्कृष्ट खेलाडी रहँदै आएका छन् र उनीसँग रहेर खेल्न पाउनु कुनै पनि खेलाडीको भाग्यको कुरा हो। मैले गएको ६ वर्ष उनीसँग खेलेर बिताएको पत्तै भएन’ राकिटिकले मेसीबारे बोल्दै भने।
