नेपालको संविधानको प्रस्तावनामा विदेश सम्बन्धसम्बन्धी सन्दर्भ शब्दमा उल्लेख छैन तथापि नेपालको स्वतन्त्रता, सार्वभौमिकता, भौगोलिक अखण्डता, राष्ट्रिय एकता, स्वाधीनता र स्वाभिमानलाई अक्षुण्ण राख्ने कुरा उल्लेख छ। नेपालले कुनै सन्धि/सम्झौता गर्दा यी चरित्र उल्लङ्घन हुने वा नकारात्मक प्रभाव पर्ने गरी गर्न हुँदैन।
राज्यका रूपमा सन्धि/सम्झौता गर्न पाउने एउटा देशको अधिकारमाथि अर्को मुलुकले हस्तक्षेप गर्न मिल्दैन। कसैले गरिहालेमा त्यसको पालना गर्नुपर्ने हुँदैन। सुझाव दिएको भए ग्रहण गर्ने/नगर्ने स्वतन्त्रता हुन्छ। राज्यको यो अधिकार राज्य हुनुको चरित्र हो। वैदेशिक सम्बन्ध सार्वभौमिक समानता र सौहाद्र्धताको उपज भएकाले पारस्परिकतामा आधारित हुनुपर्छ।
