स्थानीय बजारमा बुधबार सुनको भाउ घटेको छ। प्रतितोला रु ८०० ले सुनको भाउ घटेको नेपाल सुनचाँदी व्यवसायी महासङ्घले जनाएको छ।
महासङ्घका अनुसार छापावाला सुनको मूल्य प्रतितोला रु ७५ हजार २०० र तेजाबी सुनको मूल्य प्रतितोला रु ७४ हजार ९०० मा झरेको छ।
आइतबार र सोमबार स्थिर रहेको छापावाला सुनको मूल्य मङ्गलबार प्रतितोला रु ५०० ले घटेर रु ७६ हजार र तेजाबी सुनको मूल्य रु ७५ हजार ७०० पुगेको थियो। यस्तै चाँदीको मूल्य प्रतितोला रु पाँचले घटेर प्रतितोला रु ८७५ तोकेको महासङ्घले जनाएको छ।
