सुर्खेत – खाना, नाना र छानाको अभावमा सडक, मन्दिर र सार्वजनिक स्थलमा माग्न बस्ने र त्यहीं नै रात बिताउने एक सय ५० जनाको उद्धार गरेसँगै प्रदेश सरकारले कर्णालीलाई सडक मानवमुक्त घोषणाको तयारी थालेको छ। प्रदेशका सबै स्थानीय तह, सरोकारवाला र मानव सेवा आश्रमसँगको सहकार्यमा शनिबार कर्णालीलाई सडक मानवमुक्त घोषणा गर्न लागिएको सामाजिक विकास मन्त्रालयले जनाएको छ। सडक मानवरहित घोषणा हुने कर्णाली नेपालकै पहिलो प्रदेश हुनेछ।