काठमाडौं- गत शुक्रबार लागुऔषध नियन्त्रण ब्युरोमा दुखाई कम गर्न सक्ने औषधि ट्रामाडोल लागुऔषधका रूपमा एक व्यक्तिले बेचबिखन गर्ने गरेको सूचना आयो। विश्वस्त स्रोतबाट आएको उक्त सूचना पच्छ्याउँदै कोटेश्वर पुगेको ब्युरोको टोलीले ट्रामाडोलसहित विशाल सुनारलाई समात्यो।
सुनारकै सूचनाका आधारमा उनीसँगै मिलेर लागुऔषधका रूपमा ट्रामाडोल कारोबार गर्ने अर्का युवक नवीन ढकाल कोटेश्वरबाटै पक्राउ परे। उनीहरू दुई जना पक्राउ परेपछि ब्युरोको टोलीले सोधपुछ गर्यो।
