पाकिस्तानी सैन्य शासक परवेज मुसर्रफलाई विशेष अदालतले देशद्रोहको अपराधमा सुनाएको मृत्युदण्डको फैसला उच्च अदालतले रद्द गरिदिएको छ ।
सोमबार लाहोर उच्च अदालतले ‘असंवैधानिक’ भन्दै उक्त मृत्युदण्डको फैसला रद्द गरेको हो ।
उच्च अदालतले मुसर्रफले दायर गरेको याचिकामाथि सुनुवाई गर्दै उनीमाथि लगाइएको राजद्रोहको मुद्दा नै कानून संवत नभएको बताएको छ ।
न्यायधीश सेयद मजार अली अकबर नकवी, मोहम्मद अमिर भट्टी र चौधरी मसूद जहाँगीरको संयुक्त इजालसले यो फैसला सुनाएको हो । फैसलामा भनिएको छ,"मुसर्रफ अब स्वतन्त्र व्यक्ति हुन् ।"
दुबईमा उपचार गराइरहेका मुसर्रफले मृत्युदण्डको फैसलालाई बदला लिन खोजको भन्दै उच्च अदालत गएका थिए । साथै पाकिस्तानी सेनाले पनि यसप्रति असन्तुष्टि प्रकट गरेको थियो ।
