अस्ट्रेलियामा जारी डढेलो अझैसम्म नियन्त्रणमा आउन सकेको छैन। बुसफायरले झन्डै ६३ हजार किलोमिटर क्षेत्र प्रभावित भएको छ भने १३ सय निवाससहित २५ सय भवन जलेर क्षतिग्रस्त भएका छन्।
विशेषतः न्यु साउथ वेल्स र भिक्टोरिया राज्यका विभिन्न स्थानमा यसरी डढेलोले जनजीवन तथा जीवजन्तुमा प्रभाव पारेको हो। यसअघि न्यु साउथ वेल्सले राज्यमा सङ्कटकालको घोषणा गरिसकेको छ। तापमान कीर्तिमान रूपमा वृद्धि र सुख्खा बढेसँगै सङ्कटकाल घोषणा गरिएको थियो।
